በወልቃይት ጸገዴ ጉዳይ የፌደሬሽን ምክር ቤት አስገራሚ ምላሽ — Freedom4Ethiopian

በወልቃይት ጸገዴ ህዝብ ውክልና ተሰጥቷቸው በሁለት የተለያዩ ወቅቶች ለፌደሬሽን ምክር ቤት ጥያቄያቸውን በማቅረብ የህዝቡ ህገ መንግስታዊ መብት ተከብሮ ለማንነታቸው እውቅና እንዲሰጥ ለጠየቁ ተወካዩች ምክር ቤቱ በሰጠው ምላሽ ‹‹እንዲህ አይነት ጥያቄዎች በመጀመሪያ በክልሉ በሚገኙ የተለያዩ የመስተዳድር እርከኖች ቀርበው መፍትሔ የሚሰጣቸው ሲሆን ቀጥታ ለምክር ቤቱ የማይቀርቡ በመሆናቸው በአቤቱታ አቅራቢዎች የቀረበው የማንነትና ሌሎች ተያያዥ የመብት ጥያቄዎች በክልሉ መፍትሔ […]

via በወልቃይት ጸገዴ ጉዳይ የፌደሬሽን ምክር ቤት አስገራሚ ምላሽ — Freedom4Ethiopian

ፍትህ ሚኒስቴር ሊፈርስ ነው አሉ….. (አቤ ቶኪቻው)

ፍትህ ሚኒስቴር ሊፈርስ ነው አሉ….. ‘’የባልሽ ቂጣ እንክትክቱ ይውጣ….’’ ብዬዋለሁ። እስከዛሬም ስሙ ከብዶት አለመውደቁ ምን ያህል ይሉኝታ ቢስ መሆኑን የሚያሳይ ነው። ሌላው ፌደራል ፖሊስ በጠቅላይ ሚኒስትሩ እዝ ስር ሊሆን ነው። (ወይ ጠቅላይ ሚኒስትር… !) እርሳቸውም አንድ ቀን ይሄ …

Source: ፍትህ ሚኒስቴር ሊፈርስ ነው አሉ….. (አቤ ቶኪቻው)

“ፕሮተስታንቲዝምና ሊበራሊዝም”

አንድ Yonas Abera የተባለ ወንድማችን ስለ ፓስተር ተከስተ (ባለፈው ማገጠ ስለተባለው ፓስተር) በድሬ ቲዩብ ኮሜንት የሰጠውን ተንተርሼ ይሄንን ብያለሁ።
ማሳሰቢያ፦ ምላሽ ለመስጠት የተገደድኩት ፕሮቴስታንት ሁኜ ሳይሆን ያለአግባብ በፕሮቴስታንት እምነት ተከታዮች ላይ ፅንፍ በያዘ አስተሳሰብ የስድብ ናዳ ስላወረደባቸው ነው። እኔ ምንም እንኳ ሙስሊም ብሆንም
ፕሮቴስታንት ወንድሞች፣ እህቶች፣ ጓደኞችና ጎረቤቶች አሉኝ።

ዮናስ አበራ ያለውን ላስቀድም

ፕሮተስታንቲዝምና ሊበራሊዝም

በፕሮተሰታንት አስተምህሮ የግል አዳኝ የሚለዉ አስተሳሰብ የእምነታቸዉ መሰረት ነዉ፡፡ በእርግጥ እሱም ቢሆን እምነት ካላቸዉ ነዉ፡፡ በመሰረቱ የግል አዳኝ የሚለዉ አስተሳሰብ ምንም ሀይማኖታዊ መሰረት የለለዉና ስለሰዉ ልጆች መላ ነጻነት ከሚሰብከዉ ሊበራሊዝም ከሚለዉ የፖለቲካ ፍልስፍና የተወሰደ ነዉ፡፡

በፕሮተሰታንት አስተምህሮ የዚህ አስተሳሰብ ዋናዉ አመንጪ ሉተር ሲሆን ከካቶሊክ ሀይማኖት በግሉ አስተሳሰብና በተቃዉሞ ሲገነጠል ‹‹መጽሃፍ ቅዱስን ማንም በገባዉ መተርጎምና መረዳት ይችላል›› የሚለዉ ጽንፈኛ አስተሳሰቡ ነዉ፡፡ በዚህ የተነሳ ከካቶሊክ የተገነጠለዉ ጨቅላዉ ፕሮተሰታንት ገና 10 አመት እንኩአን ሳይሞላዉ እንደ አመባ ማይቶሲሳዉ የሰል ብዘት ሲከፋፈልና ሲበጣጠስ ይኸዉ ዛረ ከኛ ዘመን ደርሶአል፡፡

የዚህ አስተሳሰብ እና መከፋፈል በፕሮተሰታንት ድርጅት ዉስጥ በርካታ ቀዉሶችን የፈጠረ ሲሆን ለአብነትም የሚከተሉትን እንደ መነሻ ማየት ይቻላል፡፡

1. ክርሰቶስ መድሀኒአለም (ያለም መድሀኒት) መሆኑን መጽሀፍ ቅዱስ ሲነግረን እነሱ በፖለቲካ ፍልስፍና (ሊበራሊዝም) በተቃኘ አስተሳሰባቸዉ ወደ ግል አዳኝነት ዝቅ አድርገዉታል፡፡

2. በፕሮተሰታንት አስተምህሮ ዉስጥ ያለዉ ግላዊ አስተምህሮ የእምነቱን ድርጅቶች በሙሉ ስርአት የለሽ በማድረግ ወጥ የአምልኮ ስርአት እንዳይኖር መሰረት በመሆን ተከታዮቹ የግለሰብ እምነት መሰል አስተሳሰብ ተሸካሚ እንዲሆኑ አድርጎአል፡፡

3. ይኸዉ የሊበራል አስተምህሮ በፕሮተሰታንት ዉስጥ ስርአት አልበኝነትን የፈጠረ ሲሆን ከአለባበስ ጀምሮ የአማኞቹ ህይወት ፍጹም አለማዊ እንዲሆን አድርጎአል፡፡

4. ይኸዉ የሊበራል አስተሳሰብ በፕሮተሰታንት አስተምህሮ ዉስጥ ቅድሚያ የሚሰጠዉ ለግለሰቦቹ ነጻነት በመሆኑ ብዙዎቹ ከእምነቱ ባገኙት ነጻነት ወደ ግብረ ሰዶማዊነት ያመሩ ሲሆን ከዚህም ባለፈ የሰይጣኒዝም እምነት አራማጆች እንዲሆኑ አድርጎአል፡፡

5. የዚህ አስተሳሰብ ለላዉ ቁልቁለት በረጂም አመት ምእራባዉያን ጥቁሮችን በባርነት ስርአት ዉስጥ ሲያኖሩ እንደ መሰረት የተጠቀሙት የፕሮተሰታንትን እምነት ሲሆን በዚህም የሀይማኖቱ የአእምሮ ማንጠፍ ስራ የነጭ በላይነትን በጥቁሩ ላይ ተጭኖ ማንነቱን እንዲያጣ አድርጎአል፡፡

6. በሊበራሊዝም አስተምህሮ የሰከሩት የኛዉ ሀገር ምንደኞች በባንዳነት ተቀጥረዉ ተዋህዶን አርጅታለች ሲሉ ዋናዉ አላማቸዉ ለግሎባላይዘሽን መንገድን መጥረግና ሲሆን፤ ለዚህም እንቅፋት የሚሆኑትን ጥንታዊ ሀይማኖት፣ ባህል፣ እና ወግ እንዲጠፋ አጥብቀዉ መስራት ነዉ፡፡

7. እነዚህ የእምነት አሻሻጮች አጥብቀዉ የሚሰሩት ትዉልዱ ፍጹም ሊበራል እንዲሆንና ማንነቱን አራግፎ ጥሎ እንደ አፍሪካዉያን ወንድሞቻችን መሰረት አልባ እንዲሆን መጣር ነዉ፡፡

አባቶቻችን ማንነታችንን ሊያጠፋ የመጣዉን አዉሮጳዊ ሀይል በአድዋና በአምስቱ አመት ወረራ ወቅት ተዋግተዉና ድል ነስተዉ ማንነታችንን እንዳስጠበቁልን ሁሉ፤ የነሱን አሰረፍኖት ተከትለን ይኸንን የማይታይ የእምነት፣ የባህል፣ እና የማንነት ጠላት አጥብቀን ልንከላከል ያስፈልጋል፡፡

ተዋህዶ ሃይማኖታችን ደግሞ ከምንም በላይ ለሀገር አንድነት፣ ለህዝቦች እኩልነትና ነጻነት አጥብቃ የምታስተምር ሲሆን የዚህ ዉጠትም በአድዋና በአምስቱ አመት የጣሊያን ወረራ ወቅት ታይቶአል፡፡ አሁንም ወደፊትም ይቀጥላል፡፡ ይኽ እንቅልፍ የሚነሳቸዉ ምእራባዉያንም ትዉልዱን በራሳቸዉ ባህልና አስተሳሰብ ለማጥመቅ በመጀመሪያ ማጥፋት የሚፈልጉት ይህችን በተክርስቲያን ነዉ፡፡

የአድዋዉ ድል ለመላዉ ጥቁር ህዝብ የነጻነት ነጸብራቅ ሲሆን ይህንንም ተከትሎ ‹‹እኛም እንደ ኢትዮጵያ›› በማለት በ1950ወቹ እና በ1960ወቹ ሁሉም የአፍሪካ ሀገራት ነጻ ወጥተዋል፡፡ ለዚህም መሰረቱ የአድዋዉ ያባቶቻችን ተጋድሎ ነዉ፡፡ ለዚህ ድል ደግሞ ታላቁን አስተዋጽኦ ያደረገችዉ ቅድስት በተክርስቲያናችን ናት፡፡ በተክርስቲያኒቱ ስለሰዎች ነጻነት አጥብቃ የምትሰብክ ናትና፡፡ አፍሪካን ያጡት ነጮች ለመበቀልና ለማጥፋት የሚፈልጉት ደግሞ ይህችን በተክርስቲያን ነዉ፡፡ እንደነሱ ቅዠት እሱአን አጠፉ ማለት ደግሞ ምእመናኑን በግላጭ አገኙት ማለት ነዉ፡፡

ባሁን ጊዘ ትታደስ፣ አሮጊቱአ ሳራ ወዘተ ጩኸታቸዉ መነሻዉም መድረሻዉም ይኸዉ ነዉ፡፡ በበተክርስቲያኒቱ ዉስጥ የተሰገሰጉትና በየኢንተርነቱም ሆነ በየአደባባዩ የሚጮሁት ምንደኞችም አላማቸዉ በምንደኝነት/ቅጥረኝነት የምእራባዉያንን የበተክርስቲያኒቱ ማጥፋት አላማ ማሳካት ነዉ፡፡ እንደ እባቶቻችን አኛም እምነታችንንና ሀገራችንን ከማይታይ ጠላት እንከላከል፡፡

ተዋህዶ ለዘላለም ትኑር!!!!!!!”

እኔ ደግሞ የሚከተለውን ሂስ ሰጥቻለው

1. “በፕሮተሰታንት አስተምህሮ የግል አዳኝ የሚለዉ አስተሳሰብ የእምነታቸዉ መሰረት ነዉ፡፡ በእርግጥ እሱም ቢሆን እምነት ካላቸዉ ነዉ፡፡ብለሀል።

ቅር ያለኝ ነገር ቢኖር እዚህ አባባል ውስጥ በእርግጥ እሱም ቢሆን እምነት ካላቸዉ ነዉ፡፡የሚለው ነው። እኔ የምረዳው እዚህ አባባሉ ውሰጥእኔ እምነት አለኝ እናንተ ግን የላችሁምእያልክ እንደሆነ ነው፤ ከዚህም ባሻገር የፕሮቴስታንት እምነት ተከታዮችንም የሚያንኳስስ አንድመታ እንዳለውም ይሰማኛል።

2. “ሉተር ከካቶሊክ ሀይማኖት በግሉ አስተሳሰብና በተቃዉሞ ሲገነጠል ‹‹መጽሃፍ ቅዱስን ማንም በገባዉ መተርጎምና መረዳት ይችላል›› የሚለዉ ጽንፈኛ አስተሳሰቡ ነዉ፡፡ብለሀል።

ማንም ሰው መጽሃፍ ቅዱስን በገባዉ መተርጎምና መረዳት ይችላል? ወይም አይችልም? የሚለውን ንትርክ ለግዜው ወደጎን እናድርገው እና ስለ ሉተር ( የፕሮቴስታንት እምነት መስራች) ያለውን ለማየት ልሞክር።

ሉተር ‹‹መጽሃፍ ቅዱስን ማንም በገባዉ መተርጎምና መረዳት ይችላል›› ብሎ በማመኑ እና በማለቱ ፅንፈኛስትል (ዮናስ) ፈርጀሀዋል። ፅንፈኛ ምን ማለት ነው? ኢህአዴግም አክራሪና ፅንፈኛ የሚሉትን ቃላት አንዱን ባንዱ እየተካ ሲጠቀምበትም አስተውያለሁ።
አኔ ሲገባኝ አክራሪ ማለት እምነቱን አጥብቆ የሚይዝ እና በእምነቱ የማይደራደር ሲሆን ፅንፈኛ የሚለው ደግሞ እምነቱን አጥብቆ የሚይዝ ሊሆንም ላይሆንም ይችላል ነገር ግን ከራሱ እምነት አልፎ ተርፎ በሰዎች እምነት ጣልቃ እየገባ የሚፈተፍት፣ የሚያጥላላ፣ የኔ እምነት ትክክል ነው የናንት ስህተት ነው፣ እኔ እምላችሁን ስሙ እንዲሁም አስፈላጊ ከሆነም እርምጃ ሊወስድ የሚችል የአስተሳሰብ ፅንፍ ነው። ታድያ ሉተር ‹‹መጽሃፍ ቅዱስን ማንም በገባዉ መተርጎምና መረዳት ይችላል›› በማለቱ እንዴት ፅንፈኛ አስተሳሰብልትለው ቻልክ? በእርግጥ ሉተር ከዚህም በላይ በመፅሀፍ ቅዱስ ውሰጥ የማይስማማባቸውን አንቀፆችን ለይቶ በማውጣት እንደማይስማማባቸው በይፋ ከመናገሩም በላይ ከቤተ ክርስቲያኗ በራፍ ሰው እንዲያነበው ለጥፎታል፤ በዚህም ውድ ህይወቱንም ከፍሏል። ዮናስ ሆይ የሞትን ፅዋ በ16ኛው ክ/ዘመን ለተጎነጨ ሰው ፅንፈኛ ብትለው ብርቁ አይሆንም። ማርቲን ሉተር የስነ እምነት ፕሮፌሰር (theology) እንደነበሩም የረሳህ ይመስለኛል።

3. ዮናስ በተራ ቁጥር 1 ላይ ያለውን ስመለከት…(በሊበራሊዝም) በተቃኘ አስተሳሰባቸዉ…” የሚል ነገር አለ።
ከዚህ የተረዳሁት ነገር ቢኖር ደሞ በፕሮቴስታንት ላይ ያነጣጠረ ጭፍን ጥላቻ ነው። ዮናስ አንተ ክርስቶስ የዓለም መድሀኒት ነው ብለህ ታምናለህ፣ እነሱ ደሞ የግል አዳኝ ነው ብለው የሚያምኑ ከሆነ መብታቸው ነው። አንተ እንዳገርህ ቀድስ እነሱም እንዳገራቸው ይቀድሱ። ለዚህ ማጠናከሪያ ይሆኖ ዘነድ ኢህአዴግ የሚላት አንድ አባባል ልዋስ ፍቀድልኝ ልዩነታችን ውበታችን

4. አሁንም ከተራ 1 ቁጥር ሳንወጣየእምነቱን ድርጅቶች በሙሉ ስርአት የለሽ…” ብለህ ትላለህ። ስርዓት የለሽማለት ግልፅ የሆነ ስድብ ነው፤ ከስድብም በላይ ፅንፈኛነት ነው። ከላይ ለመግለፅ እንደሞከርኩት ፅንፈኛ ማለት ከራሱ እምነት አልፎ ከሌሎች እምነት ውስጥ ገብቶ የሚፈተፍት፣ የሚሳደብ የሚያንኳስስ ወዘተ. ማለት ከሆነዮናስ ሆይ ሉተር ሳይሆን ፅንፈኛው አንተ ነህ።

5. በተራ ቁጥር 3 ደግሞ እንዲህ ይላልከአለባበስ ጀምሮ የአማኞቹ ህይወት ፍጹም አለማዊ እንዲሆን አድርጎአል።

ውድ ዮናስ ማንም ሰው በዚች አለም እንደ አለማዊ ወይም ደግሞ እንደ መንፈሳዊ የመኖር መብቱ እስከሆነ ድረስ እባክህን ይኑርበት አትረብሸው እልሃለው።

ከአለባበስ አንፃር የተናገርከው ደሞ ምንም እንኳ መፅሀፍ ቅዱስ እና ቁርአን የአለባበስ ስርአት ያስቀመጡ ቢሆንም የእምነቶቹ ተከታዮች እምብዛም ለአለባበስ ስርአቱ ሲገዙ አይስተዋልም፤ አለመገዛትም መብታቸው መሆኑን አትረሳ። ልታስገድዳቸውም አትችልም። ምናልባት አንተ የሴት ልብስ ትለብሳለህ ብየ ባልገምትም እህትህና እናትህ የወንድ ሱሪ አለመልበሳቸውን ልብ በል ምክኒያቱም ትገስፃቸው ዘንድ ቅርቦችህ ናቸውና። (የራሷን ሳታይ…..)

6. በተራ ቁጥር 4٫ከእምነቱ ባገኙት ነጻነት ወደ ግብረ ሰዶማዊነት ያመሩ ሲሆን ከዚህም ባለፈ የሰይጣኒዝም እምነት አራማጆች እንዲሆኑ አድርጎአል፡፡ላልከው ደግሞ ማንኛውም የእምነት ነፃነት ሰዶማዊነትን ና የሰይጣኒዝምን እምነት ያራምዱ ዘንድ አይጋብዝም። አይ….. ካልክ እንዳገርህ ቀድስ ነገር ግን ምላስክን ሰብስብላቸው።

  1. 7. በተራ ቁጥር 5٫…. የነጭ በላይነትን በጥቁሩ ላይ ተጭኖ ማንነቱን እንዲያጣ..” ለምትለው ነገር እኔ በፕሮተሰታንት እምነት ውሰጥ ብዙም አይታየኝም ምክኒያቱም ስእለ አድህኖ ስለማይጠቀሙ። በአብዛኛው ነጭ የመላእክት ጥቁር የአጋንንት ተደርጎ የሚሰራው ስእል አስተውለህ ከሆነ ኢትዮጵያውያን ቅዱሳን ነጭ ቀለም እንዲኖራቸው ተደርገው ይሳላሉ። እስቲ ነጭ ኢትዮጵያዊ አለ ? አለ ካልክ አሁንም መብትህ ነው። እንዳገርህ ቀድስ! ቅር ያለኝ ነገር እነ ቫለንታይን እነ የውሀ ቀን እነ ፍሪደም ዳቦ ቤት እነ የጎንደር እስክስታ በአትላንታ ክለብ ለምን አልታዩህም እሳ?

8. “….ምንደኞች በባንዳነት ተቀጥረዉ …. የእምነት አሻሻጮች እንደ አፍሪካዉያን ወንድሞቻችን መሰረት አልባ እንዲሆንወዘተ. ” ላልካቸው ምንም ማለት አልፈልግም ምክኒያቱም ቁልጭ ያሉ የአንተን ፅንፈኛነትን የሚያሳዩ ናቸው።

“…እንደ አፍሪካዉያን ወንድሞቻችን መሰረት አልባ እንዲሆን…” አፍሪካውያን መሰረት አልባ ናቸው እንዴ?

ተዋህዶ ለዘላለም ትኑር“……… ላልከው ትኑርልህ ለኔ ደሞ ሀገራችን ኢትዮጵያ ለዘላለም ትኑርልን!!!

ሰው፦ ሰው ስለሆነ ብቻ ሊከበር ይገባዋል፤ አስተሳሰቡ እና እምነቱም እንዲሁ። ነገር ግን አስተሳሰቡን እና እምነቱን መከተል ሌላ ጉዳይ ነው። ምክኒያቱም ማክበርና መከተል አንድ አይደሉምና።


ቢላል አዱኛ
አዲስ አባባ

”ሞቼ ተነሳሁ” የሚለው ሰውዬ – “መለስ ዜናዊን ገነት አገኘኋቸው” አለ

የሀይማኖት ፣ የሞራል ወይስ የማንነት ግጭት ፍለጋ ?

ቴዎድሮስ ተ/አረጋይ

ሰሞኑን ራሱን ነብይ ብሎ የሚጠራ ዳንኤል አበራ የተባለ የፕሮቴስታንት ሀይማኖት ሰው ለ5 ቀናት ሞቶ ሲኦልና ገነትን ጎብኝቶ እንደመጣ በመግለጽ የ5 ቀናት ቆይታውን (የጉዞ ማስታወሻውን እንበለው) ” እውነተኛው ዓለም ሲገለጥ” በሚል ርዕስ መጽሐፍ ጽፎ 279 ገፅ ያለውን መጽሐፍ በብር 350:00(ሦስት መቶ ሀምሳ) እየሸጠ ይገኛል። ሰማይ ቤት ደርሶ መመለስም ሆነ በነፃ ገበያ ሀገር 3,000:00 መሸጥም መብቱ ነው። ለማንኛውም መጽሐፉ በነፃ እጄ ገብቷል ። ካሁን ቀደም ” ማርያም ታየች ” ብሎ ህዝብ ሲያጋፋ የነበረ ባህታዊ ነኝ ያለ ሰው ፣ “ማርያም ነኝ” ብላ ክርስቶስ ነው ካለችው ትንሽ ልጅ ጋር ዞራ ስታጭበረብር የታሰረች ሴትን አውቃለሁ። እነዚህ ሰዎች የሚታለል ሲያገኙ አታለሉ እንጂ በዳንኤል ልክ የማንንም ሀይማኖት ፣ ሞራልና የየደጋፊያኑን ሰብእና የነኩ አልነበሩም ። ዳንኤል ግን ሀይማኖት ስም በመጽሐፉ የሚከተሉትን በዝምታ ሊታለፉ የማይገቡ ፣ ሀይማኖተኞችና ደጋፊዎቹ ህግ ፊት ሊያቆሙት የሚገባ ጥፋት ፈፅሟል።

daniel-abera

ለግል ኪሱ መዳጎስ በህትመት ስሌት 279 ገፅ መጽሐፍ ከ50 – 60 ብር ሊሸጥ ሲገባ 350 ብር የሚሸጠው ይህ ሰው ነውርን በውድ ዋጋ እየሸጠ ይገኛል ። ስለመጽሐፉ በተከታታይ የምለው ያለኝ ሲሆን ዋና ዋና ያልኳቸውን (ከመጽሐፉ የተገኙ) ጥቂት ሃሳቦችን ብቻ አነሳለሁ። ይህ ሀሳብ የሰውየው የግል ሀሳብ እንጂ የሀይማኖቱ እምነት አይደለም ብዬ ስለማምን ዋንኛውን ተቃውሞ ከጤነኞች የፕሮቴስታንት ሀይማኖት ተከታዮች እጠብቃለሁ። ለአንባቢያን ስሜት ሲባል ይህን ጽሑፍ በዝምታ ባልፈው በወደድኩ። ይሁን እንጂ ደግሞ ዝምታው ሀሳቡ ያለከልካይ እንዲራባ ከማድረግ ውጭ የሚፈይደው ነገር አይኖርም። ከሞራል አንፃር ደግሞ ያለማለፍ ግዴታ ያለብኝ ሆኖ ተሰማኝ። በመሆኑም ለማስቆጣው የአንባቢያን ስሜት በቅድሚያ ይቅርታ አየጠየቅሁ ለዛሬው ይህን ልበል።

ከ”እውነተኛው ዓለም ሲገለጥ ” የተገኘ

★እየሩሳሌም ቅድስት ከተማ አይደለችም ።
★ነብዩ መሀመድን የእሳት ወንዝ ውስጥ ተጥሎ አየሁ።
★በህንፃው ውስጥ (በሲኦል ውስጥ ማለቱ ነው) መሀመድን የሚመስል መንፈስ ቁጭ ብሎ ‘አላህ ነኝ‘ በማለት ያደናግር ነበር።
★ አቡነ ጳውሎስን ጨምሮ የኦርቶዶክስና ካቶሊክ ጳጳሳት ከነአማኞቻቸው በእሳት ጉድጓድ እየተቃጠሉ በእሳት ጉድጓድ ተጥለው እየተቃጠሉ ሲሰቃዩ አይቻለሁ ።
★ጥላሁን ገሰሰ ከብዙ ግብረአበሮቹ ጋር በእሳት እየነደደ አየሁ ። ከዚያም “ምነው ከነሙሉ አካሌ በሞትኩ ፣ ለምን እግሬን አስቆረጥኩ” እያለ ማባሪያ በሌለው ፀፀት እርግማን ማውረዱን ተያያዘው ።
★የቀድሞው የሀገራችን መሪ (አቶ መለስ ዜናዊን ማለቱ ነው) በገነት እንዳገኛቸውና አየሱስ ክርስቶስ የመጀመሪያው ገነት የገባ መሪ መሆናቸውን እንደነገረው ከብዙ ሀተታዎች ጋር ጽፏል ።

Source: RevolutionForDemocracy

ምክር እስከመቃብር (ካልፎሂያጁ ማስታወሻ የተቀነጨበ)

ክፍል ሁለት
(በእውቀቱ ሥዩም)

534870_274364786024895_1895399343_n

እንደምነሽ ሸገር
የከሰመው ወንዝሽ
የከሰመው ወዝሽ
የሚታየው ነጥፎ
እንደምነው ጣፎ
እንዴት ነው ቀበና
እስቲ ድንጋይ ላጥምድ መረብ ልጣልና፡፡

በነገራችን ላይ በኣዲስ ኣበባ የሚገኙ ካፌዎችና ምግብ ቤቶች“ ኒውዮርክ”“ ዴምቨር” “ወዘተረፈ ተብለው የሚጠሩትን ያክል ባውሮፓና በኣሜሪካ ያሉ ሬስቶራንቶች ደግሞ ”ዱከም“ ፤ ኣራትኪሎ ፤ ፒያሳ በሚል ተሰይመዋል፡፡ የዚህ ምክንያቱ ምንድር ነው ፡፡ ኣዲስ ኣበባ ስትኖር ውጩን ይናፍቅሃል፡፡ ውጭ ስትኖር ደሞ ኣገር ቤት ይናፍቅሃል፡፡ መኖር ማለት የማይበርድ ናፍቆት ማለት ይሆን? መልመድ ይቅደም! ናፍቆት ይውደም!! ያለምንም ደም!!!
ፌንተን መንገድ ዳር ከሚገኙ ያበሻ ሬስቶራንቶች ባንዱ ተኬ ከተባለው የቀድሞው የብሄራዊ ቡድናችን በረኛ ጋር ኣመሸሁ፡፡
ሊጋብዘኝ ዝግጁ እንደሆነ ሲነግረኝ “ኣንድ ሽሮና ኣንድ ያሣ ዱለት ቢመጣልኝ ደስ ይለኛል!“ኣልሁ ራሴን እያከክሁ፡፡

“ይሄ ሁሉ ምግብ ምን ይሰራልሃል? ገና ለገና ኣገርቤት የምግብ እጥረት ስላለ ለወር የሚበቃህን ያህል በልተህ ልትሄድ ነው?“

ምግቡ ሲመጣ ተኬ ከኣሣ ዱለቴ ኣንድ ጉርሻ ጎረሰና ኣላምጦ ግንባሩን ከሰከሰ፡፡
” እንዴት ነው?“ ስል ጠየኩት፡፡

“ምምምም ያባቴን ኣውራጣት፤ ያባቴን ኣውራ ጣት ይላል” ኣለ፡፡

“ጉደኛ ነህ! ያባትህን ኣውራጣት በልተህ ታውቃለህ?”

“ምን መሰለህ!በልጅ እያለሁ ማታማታ የኣባቴን እግር ማጠብ ነበረብኝ፡፡ ትዝ ይለኛል፤ያባቴ እግር በጣም ቀጭን ተመሆኑ በላይ ሲበዛ ጸጉራም ነው፡፡ እግሬን እጠብልኝ ከሚለኝ ይልቅ እግሬን ኣበጥርልኝ ቢለኝ ይሻል ነበር፡፡ ወንድ ልጅ ሲወለድ ከነቃጭሉ ዱብ ኣለ ይባል የለ፡፡ፋዘር ደሞ ከነገምባሌው ነው ዱብ ያለው፡፡እና እግሩን ኣጥቤ ስጨርስ ኣውራጣቱን ያስመኝ ነበር፡፡ያውራ ጣቱ ጣእም እስታሁን ምላሴ ላይ ኣልጠፋም፡፡ኣውራ ጣቱ ይህን ዱለት ይህን ዱለት ይላል፡፡ኣሁን ሳስበው ኣባቴ ምናባቱ ቆርጦት እንደዛ እንደሚያረግ ኣይገባኝም፡፡እግር የሚስም ባርያ የመግዛት ኣቅም ስላልነበረው እኛን ልጆቹን እንዲህ ያስመን ነበር፡ ፡ ኣየህ ልጅ ማለት እግዜር ለወላጅ የፈነገለው ባርያ ማለት ነው፡፡”

በልተን ስንጨርስ ሊመክረኝ ተዘጋጀ፡፡

“ወደ ኢትዮጵያ የሚያስመልስህ ነገር ምንድነው?”

“ያገር ፍቅር!”

“ትያትር ቤቱን ነው ?”

“እረ ስሜቱ!”

ተኬ በመልሴ በጣም ሳቀ፡፡

“ምን ኣሳቀህ?፡፡ ኣገሬ ገብቼ ከልማቱም ከግማቱም ብሳተፍ ኣይሻልም?“ኣልኩት በቁርጠኝነት፡፡

“እንደ ወንድም ልምከርህ፡፡ እዚህ ብትቀር ይሻልሃል፡፡ ደመወዝ ይመስል ውሃ በወር ኣንዴ የሚመጣበት ኣገር ምኑ ይፈቀራል?መብራቱስ የታል? እዚህ ኣሜሪካ በየቤቱ ደጅ ላይ የሚቆመው ክሪስማስ ትሪ ከኣዲስ ኣበባ የተሻለ ያበራል፡፡ ኢትይጵያ ውስጥ ካምፖል ይልቅ ብርሌ ብዙ ስራ ይሰራል፡፡የሰለጠነው ዓለም ጨረቃ ላይ ከተማ ለመገንባት ሲራኮት እኛ በጨረቃ ብርሃን ራት እንበላለን፡፡ በዝያ ላይ የለማኝና የጎዳና ተዳዳሪው ብዛት ኣይዘገንንም?”

“እዚህም እኮ ለማኝ ኣለ” ኣልሁ፡፡

“ያገራችንን መናጢ ለማኝ ካሜሪካ ለማኝ ጋር ስታወዳድረው ሼም ኣይሰማህም? የዚህ ኣገር ለማኝ እንደምታየው ኣለቅጥ ወፍራም ሲሆን የሚለምነውም ለጂም ነው፡ ፡ ባለፈው ቬጋስ ሄጄ ያያየሁት ለማኝ ምን እያለ እንደሚለምን ታውቃለህ?”

“ምን ኣለ?”

‘ወንድሞቼ ለዛሬ ሌሊት ሸሌ የምገዛበት ፍራንክ ስለቸገረኝ ጣልጣል ኣርጉልኝ’

ስስቅለት ጊዜ ቀጠለ፡፡

”በዛ ላይ ኣገሩ ውጥረት ነግሷል፡፡ ኣዲስ ኣበባ ውስጥ የሚታየው መፈክር ይዞ የሚሮጥ ወጣትና ቆመጥ ይዞ የሚያባርር ፖሊስ ብቻ ነው፡፡ኣንተም ገና ኤርፖርት እንደደረስህ ነው መሮጥ የምትጀምረው፡፡ከምርጫ ጋር በተያያዘ ብዙ ጣጣ ይኖራል፡፡ኣደራ ገዥውን ፓርቲም ሆነ ጎምዥውን ፓርቲ እንዳትመርጥ ፡፡ዝምብለህ በኤፍ ኤም ደውለህ ለፍቅረኛህ ዘፈን ምረጥ፡፡ፌር የሆነ ምርጫ ያለው እዛ ይመስለኛል፡፡ I hope የጥላሁንን ገሰሰን ዘፈን ስትመርጥ የጥላሁን ጉግሳን የሚጋብዙ ዲጄዎች እንዳልተቀጠሩ ተስፋ ኣለኝ፡፡“

በፈገግታ ማዳመጥ ቀጠልኩ፡፡

”ያገራችን ብቸኛ ጸጋዋ ኣየሯ ነበረ ፤ ኣሁን እሱም እየተበላሸ ነው ኣሉ፡፡በኛ ጊዜ ጸሃይ ኣመለ ልስልስ ነበረች፡፡ ኣሁን ሙቀቱ ኣይጣል ነው!ጸሃይ በጣም ከማቃጠሏ የተነሳ ያዲሳባ ሴቶች እንጀራ የሚጋግሩት ጃንጥላቸው ላይ ነው ሲባል ሰምቻለሁ ፡፡ እንድያውም ኣንዳንዴ ሳስበው የሰማይ ኮርኔስ የተቀደደው በኢትዮጵያ ኣቅጣጫ ሳይሆን ኣይቀርም፡፡ድሮ ሽማግሌ ኣያትህ እንዲመርቅህ ከፈለግህ የማለዳ ጸሃይ ስር ወስደህ ታሰጣዋለህ፡፡ ዛሬ የማለዳ ጸሃይ ስር ብታሰጣው ይረግምሃል፡፡ምነው ምነው ልጄ ኣልሞት ኣልኩህ? እንዲህ እንደ እንፋሎት ዳቦ በገዛ ላቤ ከምትጥብሰኝ በግልጥ እንደ ደመራ ለምን ባደባባይ ኣታነደኝም?ኣይ ኣይይይ!ርጉም ሁን ፡፡ዘርህ ይማረክ፡፡ቤትህን ቡልዶዘር ያፍርሰው፡፡ርስትህን ህንድ ይረሰው፡፡ሎተሪን ኣንተ ቁረጠው እጣውን ግን ለጠላትህ ይድረሰው ብሎ ይረግምሃል፡፡

Iguazu falls

Situated right at the border of Brazil, Argentina and Paraguay, few sections of Iguazu Falls is considered in the Argentinian lands. That doesn’t at all mitigate the majestic aura of the falls as the entire splendor is visible from the Brazilian side. The tiered Iguazu splits the Iguazu River into upper and lower Iguazu. There are in all 275 falls that make up Iguazu falls. The U-shaped fall which is called the Devil’s Throat is the most stunning. Some of the larger falls are nearly 82 m high but the average hovers around the 65 m mark.